Jamita Partangiangan Selasa 5 Juni 2012

JOU-JOU SIAN PARDANGOLAN

Ep. Psalmen 130 : 1-8

130:1 Ende hananangkok. * Sian pardangolan angka na bagas i do ahu joujou tu Ho, ale Jahowa!

130:2 Ale Tuhan, sai tangihon ma soarangki, sai patinggil ma pinggolmu tumangi soara ni anggukkon!

130:3 Molo tung manjujur Ho, ale Jahowa, di angka dosa, tung ise ma manahan jongjong, ale Tuhan?

130:4 Alai tahe * marroha pamuation do Ho, asa dihabiari halak Ho.

130:5 Huhalungunhon do Jahowa, malungun do tondingku, jala huparhanalom do hatana.

130:6 Gumogo do dihalungunhon rohangku Tuhan i sian angka parhal di torang ni ari, angka parhal di torang ni ari tongon.

130:7 Nalom ma roham tu Jahowa, ale Israel, ai parasi roha do Jahowa, jala godang do haluaon di Ibana.

130:8 Jala Ibana sandiri paluahon Israel sogot sian dosana sudena.

Patujolo

Sude do hita jolma hea mengalami pardangolan, isara ni na marsahit, na marhabot ni roha, PHK, dna. Adong do pardangolan i na mansai bagas dihilala alani hansitna, adong muse do na neang dihilala jolma (biasa-biasa saja). Alai na dialami par-pslamen on tung mansai bagas do, asa didok : ”Sian pardangolan angka na bagas i do ahu joujou tu Ho, ale Jahowa”

Dia ma pardangolan na bagas na nidok ni par-psalmen on? Ima ala ni dosa nasida do maradophon Debata. Alani disadari nasida ndang adong hagogoon na asing na boi paluahon nasida ia so holan asi ni roha ni Debata sambing, asa i do panghirimon nasida, anggiat nian marpamuati roha ni Debata di dosa nasida i, gabe sai jou-jou ma nasida tu Debata mangido  jala mangelek-elek Debata asa anggiat dipalua Debata nasida sian pardangolan i. Jala dibagasan habengeton do nasida paima-imahon asi ni roha ni Debata.

Hatorangan

•  Ayat 1-2, Hea do ra hita mengalami sada persoalan ni ngolu, tung naso adong be tahilala jalan keluar. Gabe sai hira na putus asa ma hita, pasrah dan tak berdaya. Ima na dialami par-pslmen on, asa didok ibana : ”Dari jurang yang dalam aku berseru kepada-Mu, ya TUHAN”. Isara ni halak na terjerumus tu sada lombang na mansai bagas, na so boi dibege jolma jou-jouna, songon ima panghilalaan ni par pslamen on. Alani, tung holan pangurupion ni Debata do dihilala ibana na boi mamabege jou-jouna jala paluahon ibana sian i. Dibahen i do di ayat 2 didok : ”Ale Tuhan, sai tangihon ma soarangki, sai patinggil ma pinggolmu tumangi soara ni anggukkon!”
•  Ayat 3-4, Alani aha do ibana sampe boi mengalami si songoni? Dirajumi rohana do i masa alani angka dosana, asa didok : ” Molo tung manjujur Ho, ale Jahowa, di angka dosa, tung ise ma manahan jongjong, ale Tuhan?. Alai tung pe songoni, ditanda par-pslmen on do Debata, ima n” Alai tahe * marroha pamuation do Ho, asa dihabiari halak Ho.” Na olo do debata manesa dosa ni halak asal ma dibagasan roha na “tulus dan jujur” mangokuhon saluhut dosana jala olo muba. (Metanoia)
•  Ayat 5-6, Boasa didok : ”Huhalungunhon do Jahowa..(Aku menanti-nantikan TUHAN, jiwaku menanti-nanti, dan aku mengharapkan firman-Nya). Ima alani lelengna dihilala ibana ro pangurupuion ni Jahowa, jala dosa na salelengon diula nasida gabe ndang he abe nasida manangihon hata ni Debata, alai dibagasan kesadaran nuaeng on, gabe masihol nasida manangihon hata ni Debata. Jala penantianna i dipatudos doi tu sahalak parhal (penjaga malam) na paima-imahon torang ari.
•  Ayat 7-8, Marhite haluaon naung jinalo nasida sian Mesir, sian habuangan Babel,  dihilala nasida do Debata silehon haluaon i, jala ndang mansohot holan disi, alai gabe sada nubuat do ayat on taringot haroro ni Jesus laho mangalehon haluaon sian dosa tu saluhut bangso.   Ido asa didok : ”Jala Ibana sandiri paluahon Israel sogot sian dosana sudena”

            

Panimpuli

-          Sude do hita pardosa, alai tahaporseai do molo olo hita ro tu Debata manopoti dosanta, jala olo hita muba sian angka pangalahonta na so ture, na rade do Debata mangalehon haluaon tu hita. Alai unang ma tapangke i gabe sada pedoman, gabe mandatdati hita mardosa : Ai molo marpamuati pe roha ni Debata, asa mabiar do jolma i maradophon Debata (Ay. 4), ndada asa gabe diparmeam-mean Debata. AMEN