Jamita Partangiangan, Selasa 8 Mei 2012

Mangendehon ende na imbaru di Jahowa

Psalm. 98:1-9

98:1 Endehon hamu ma di Jahowa * ende na imbaru sada, ai nunga dipambahen Ibana angka halongangan; nunga ditumpahi siamunna i dohot tanganna na badia i Ibana.
98:2 Nunga dipabotohon Jahowa hatuaonna i, nunga dipapatar Ibana hatigoranna i di adopan ni angka parbegu.
98:3 Nunga diingot Ibana asi ni rohana dohot hasintonganna tu bagas ni Israel, nunga diida * luhut ujung ni tano on hatuaon ni Debatanta.
98:4 Marsuraksurak ma ho, ale sandok tano on, mangolophon Jahowa, pangiar ma soaram marolopolop, jala marende ma hamu.
98:5 Puji hamu ma Jahowa, marangkup arbap, mardongan arbap dohot soara ni ende!
98:6 Marolopolop ma hamu di jolo ni Raja Jahowa, mardongan sarune dohot soara ni sangka.
98:7 Mardorom ma laut ro di isina, portibi on ro di pangisina i.
98:8 * Martopaptopap ma angka batang aek, rap marolopolop ma angka dolok.
98:9 Dijolo ni Jahowa, ai nunga ro Ibana laho manguhum tano on, uhumonna ma portibi on marhitehite hatigoran dohot angka bangso marhitehite hasintongan.

Pengantar

Adong do 150 pasal buku Psalm on, ima na marisihon angka angka ende pujipujian, tangiang mangido pangurupion, tangiang mandok mauliate tu Debata, tangiang mangido haluaon asa diurupi Debata dna. Didok angka penafsir, ia Psalmen on digubah oleh berbagai pujangga, ima mulai sian tingki ni si Musa sahat tu na mulak bangso Israel sian pembuangan Babel. Angka ende dohot tangiang na sinurathon ni angka par psalmen, dipapungu jala dipangke ma I di angka ibadah nasida. Ima na somal dipangke bangso Israel di angka ulaon parsombaon nasida di bagasan Joro ni Debata.

Turpuk Psalmen 98 on masuk ma on tu horong na ginoaran Royal psalmen (Psalmen ni angka raja), adong 2 bagian na taida di turpuk on :

• Ay.1-3, ima panghatindangion / kesaksian taringot tu Debata na mangurupi bangsoNa (Israel).
• Ay.4-9 ima ajakan / jou-jou laho maujui Tuhan i

Hatorangan

• Istilah “ende na imbaru” ndada na patuduhon tu angka ende ciptaan/gubahan na imbaru, isara ni angka ende puji-pujian na niendehon ni donganta, ala dihilala dang cocok be angka ende naung adong i. Alai na nidokna disi ima taringot tu roha na mangendehon I do. Lapatanna boi do hita hot mangendehon angka ende na lama, isara ni angka BE dohot KJ, asalma na nionjar ni panghilalaan di angka pambahenan ni Tuhanta na sai imbaru dibagasan ngolunta. Tahamauliatehon saluhutna angka pasu-pasu ni Debata na sai imbaru ganup ari dibagasan ngolunta, ido lapatanna ende na imbaru. Molo dang taendehon be angka ende na imbaru dibagasan ngolunta, berarti dang taokuhon be angka pambahenan ni Debata na sai imbaru di hita. Dengan kata lain, molo ndang adong be di hita tingki laho menghayati angka pambahenan ni Debata,  sarupa ma I na so adong be angka ende na imbaru dibagasan ngolunta. Ganup manogot do hita dungo, menghirup udara baru, dapotan ngolu na imbaru, ari-ari na imbaru dohot angka pasu-pasu na imbaru, alan tama hita mangendehon ende na imbaru marhite-hite na manghamauliatehon  saluhutna i.
• Ise do Debata? Ima Debata na marasi roha dohot na sintong (ay.3), Debata sipujion dibagasan olop-olop mardongan sarune dohot sangkakala (ay.6), Debata panguhum do Ibana, na manguhumi marhite hatigoran dohot hasintongan (ay.9). Lani molo naung tatanda Debatanta I, tama ma pujionta Ibana.
•  Boha do hita mamuji Debata? Ima marhite na mangolophon Jahowa, tapangiar ma soaranta marolopolop, jala marende (ay.4). Boi do pangkeonta angka alat-alat music tradisional manang na modern pe laho mamuji Debata (ay.5).
• Di didok panurirang Jesaya do di Jes 42:10, songon on : “Endehon hamu ma sada ende na imbaru di Jahowa, hamuliaonna sian ujung ni tano on, tole hamu angka na tuat tu laut ro di isina i, tole hamu angka pulo ro di isina I”. Lapatannta ndang holan hita jolma na marende laho mamuji Debata, alai sude do na tinompana na adong di portibion, songot endenta I : “Tano nang laut, harangan I nang awang-awang I, Hauma I, nang sunge I, olophon Raja I”.

Panimpuli

Antong aha ma na dapot hita sian turpuk on :

1. Ende na imbaru manggombarhon hamumuba ni jolma sian manusia lama gabe manusia baru. Alani marende ndada holan taringot tu vokal manang cara bernyanyi yang baik, dang holan na mangarang lagu na imbaru, alai boha do ende i mengonjar rohanta laho mamereng angka pambahenan ni Debata dibagasan ngolunta.
2. Aha do manfaat ni nyanyian/pujian?

• Pujian, boi do I mambahen las roha ni namarende, boi do I mamboan hita tu suasana sorgawi, jala boi do I mamboan hita tu perenungan na mendalam taringot tu ngolunta..
• Jolma na mamuji Debata marhite ende, boi do dapotan gogo manang semangat baru (Sai hehe ma hamuna), mandaoni arsak, patoguhon haporseaon, asalma tendehon sian roha na ias.
•  Boi do ende patundukkon angka pangalaho na kasar, membuat persaaan halus dan sensitive, jala palambokkon roha.

3.  Bagi masyarakat Yahudi, nyanyian pujian menyatakan kepercayaan mereka kepada Tuhan. Maka ketika orang Yahudi maju ke medan perang, mereka bersorak-sorak dan menyanyikan nyanyian pujian untuk menyatakan iman mereka tentang Allah yang menyertai mereka, dan Tuhan menghadang musuh yang menyerang mereka (2 Taw 20,22).

4.    Marende na imbaru, ndada marlapatan ingkon sai lagu baru ma endehonon, alai na umporlu ima boha do parsaoranta dohot Debata tingki na marende i hita, ingkon lam jonok ma nian  hita tu Ibana asa unang holan soranta sambaing na tapangiar, alai ingkot dohot ma sian rohanta mangendehon. AMIN